అగ్ర వర్ణాలకు 10% కోటాకు రాష్ట్రపతి ఆమోదం:103 వ రాజ్యాంగ సవరణ (చట్టం )

జనరల్ కేటగిరీ లోని ఆర్థికంగా వెనుకబడిన(Economically Weaker Section) వారికి ఉద్దేశించిన 10 శాతం రిజర్వేషన్ ను కల్పించే 124 వ రాజ్యాంగ సవరణ బిల్లు గా పార్లమెంటు ఆమోదం పొందిన బిల్లు పై రాష్ట్రపతి సంతకం చేశారు.దీంతో ఇది చట్ట రూపం దాల్చింది.దీనితో ఇప్పటి వరకు రాజ్యాంగ 103 సార్లు సవరించినట్లు అయ్యింది.రిజర్వేషన్ల కొరకు రాజ్యాంగం లోని 15,16 అధికరణల ను సవరించారు.దీని అమలు తేదీ పై కేంద్ర సామాజిక న్యాయం ,సాధికార మంత్రిత్వ శాఖ నోటిఫికేషన్ విడుదల చేయాల్సి ఉంది.8 లక్షల వరకు వార్షికాదాయం 5 ఎకరాల్లోపు భూమి ,1000 చదరపు అడుగుల ఇల్లు ,నోటిఫై చేసిన ప్రాంతాల్లో 100 గజాల్లోపు ,నోటిఫై చేయని ప్రాంతాల్లో 200 గజాల్లోపు స్థలం ఉన్న కుటుంబాలు మాత్రమే ఈ కోటాకు అర్హులు.